Zvicër: Aliti shënon supergol, por Zurich-ut nuk i mjaftoi

Në ndeshjen e fundit, Zurich u mund nga Vaduz me rezultatin 2-3, duke humbur mundësinë për t’u ngjitur në vendin e tretë.

Pavarësisht humbjes, kjo ishte një mbrëmje mjaft e mirë për shqiptarin Fidan Aliti, i cili shënoi golin e dytë për skuadrën e Zurich, transmeton albinfo.ch.

Mbrojtësi shqiptar luajti 90 minuta dhe shënoi golin në minutën e 83-të, duke rihapur sfidën në 3-2, por skuadra e tij e pati të pamjaftueshme për të ndryshuar diçka në rezultatin e përgjithshëm. Me këtë realizim, 27-vjeçari shënon golin e parë për sezonin 2020/2021.

 

---