Zvicër: Përmirësimi i hendekut gjinor të pagave po shkon ngadalë

Foto ilustrim: Alex Kotliarskyi

Gratë fitojnë mesatarisht 11% më pak se burrat për të kryer të njëjtën punë në Zvicër, sipas sondazhit të fundit zyrtar të pagave, përcjell albinfo.ch.

Të hënën, Zyra Federale e Statistikave raportoi se hendeku gjinor i pagave po ngushtohet, por ngadalë. Në vitin 2016 pati një pabarazi 12% në paga, e cila ra në 11.5% në 2018 dhe 10.8% në 2020. Hendeku është më i theksuar tek shtresat me të ardhura më të larta të fuqisë punëtore. Menaxheret femra fitojnë 16.8% më pak se homologët meshkuj, por diferenca është 9.3% midis punëve me më pak përgjegjësi. Zvicra ka prezantuar legjislacionin që synon gërryerjen e diskriminimit, duke përfshirë kërkesën e kompanive më të mëdha për të raportuar nivelet e pagave për stafin meshkuj dhe femra çdo katër vjet.

Vitin e kaluar, qeveria miratoi një grup të gjerë politikash për të përmirësuar kushtet për gratë, të quajtur Strategjia Kombëtare për Barazinë Gjinore.

Të dhënat e publikuara të hënën zbulojnë se në vitin 2020 paga mesatare mujore në të gjithë Zvicrën ishte 6,665 CHF pavarësisht nga gjinia.

Personat që punonin në banka ishin fituesit më të mëdhenj, duke marrë 10,211 CHF në muaj, krahasuar me 4,211 CHF që fitonin parukierët, përcjell tutje albinfo.ch.