Shkurt.ch

Zvicër-SHBA: Pajtim në parim për taksat

Përmes marrëveshjes, bankave zvicerane do tu mundësohet që konfliktin e taksave me SHBA-në ta zgjidhin brenda kornizave të kuadrit ligjor ekzistues

E enjte, 29 Gusht 2013 - 8:24 albinfo.ch
Një zgjidhje shihet më në fund në horizont sa i takon konfliktit në mes të Zvicrës dhe SHBA-së në fushë të taksave. Këshilli Federal i Zvicrës ka diskutuar propozimin dhe e ka dhënë pëlqimin e tij  parimor për lidhjen e një marrëveshjeje.

Kështu, qeveria ka ngarkuar Ministrinë e Financave që të përfundojë punën në këtë drejtim, ka bërë të ditur të mërkurën sekretariati për çështje të financave ndërkombëtare në kuadrin e Ministrisë së Financave.

Me këtë rast nuk është dhënë ndonjë hollësi në lidhje me përmbajtjen e marrëveshjes së pritshme. Ato pritet të jepen kur të dy qeveritë do të nënshkruajnë marrëveshjen.

Por mendohet se përmes kësaj marrëveshjeje, bankave zvicerane do tu mundësohet  që konfliktin e taksave me SHBA-në ta zgjidhin brenda kornizave të kuadrit ligjor ekzistues, shkruan Sekretariati shtetëror.

 Të tjera nga Shkurt.ch

Këshilli Federal e konsideron ndalimin e telefonave inteligjentë për fëmijët nën 12 vjeç si shumë kufizues

 E-Diaspora

 Jeta në Zvicër