Zviceranët janë pro një ‘bote pa vetura’

Studiuesit arritën në përfundim se roli i veturës ka evoluar ndjeshëm në vitet e fundit për zviceranët, dhe se jeta pa vetura është ‘shumë më realiste se që ishte 20 vjet më parë’

Rezultatet e një projekti 4-vjeçar të hulumtimit ndërdisiplinor kanë treguar se pavarësisht dëshirës së tyre për ngasje, zviceranët janë të hapur për idenë e zëvendësimit të automjeteve private me opsione tjera si transporti publik, telekomandimi ose lëvizja e trotuareve, shkruan ‘expatica.com’, duke përcjell shkrimin e “Swissinfo.ch”.

Në këtë projekt i drejtuar nga hulumtuesit e fushave nga sociologjia, gjeografia, arkitektura dhe inxhinieria janë intervistuar 1 mijë persona, rreth qëndrimeve të tyre mbin të ardhmen e opsioneve të transportit në Zvicër, përcjell albinfo.ch.

Pyetjet u krijuan për të parë se si mund të duket një botë pa vetura, dhe si mund të imagjinohet një botë e tillë. Përgjigjet e tyre duhet të ishin të lira, dhe jo nëse do të kishte mungesë të karburantit.

Bazuar në rezultatet, studiuesit arritën në përfundim se roli i veturës ka evoluar ndjeshëm në vitet e fundit për zviceranët, dhe se jeta pa vetura është ‘shumë më realiste se që ishte 20 vjet më parë’, ka thënë Jacques Levy, profesor i planifikimit urban, në një deklaratë të “EPFL”. Levy udhëhoqi studimin në bashkëpunim me studiuesit në Institutin Federal të Teknologjisë ETH Zurich dhe Universitetin e Luganos.

Por, kjo do të kishte pasoja tjera, sepse përshtatja e infrastrukturës dhe rritja e ofrimit të shërbimeve të transportit publik, megjithatë do të kërkonte më shumë punë dhe më shumë fonde.

Levy ka thënë se qytetarët e Zvicrës i duan veturat e tyre dhe hezitojnë të heqin dorë, megjithatë janë të hapur të një tjetër lirie, si ajo e trafikut, zhurmës apo ndotjes.

Një botë pa vetura do të ndihmonte që të kishte më shumë gjelbërim dhe rrugë për këmbësorë.