Shkurt.ch
Zviceranët jashtë vendit, sa banorët e kantonit Vaud
Nga gjithsej 732 mijë sish, më së shumti zviceranë ka në vendet evropiane gjithsej 452965. Shumica dërmuese e tyre 98.71% janë në vendet e BE-së

Zviceranët me qëndrim jashtë vendit, ose “zviceranet e jashtëm” (Auslandschweizer) siç quhen ndryshe, kanë mbërritur numrin prej 732.183 personash, duke u bërë kështu të barabartë me banorët e kantonit Vaud. Siç dihet, kantoni i përmendur është i treti për nga numri i banorëve në Zvicër, pas atij të Cyrihut dhe të Bernës.
Numri i përmendur më lartë përfshin të gjithë ata persona që kanë shtetësi zvicerane, janë të regjistruar në ndonjërën nga përfaqësitë e Zvicrës në botë. “Zvicra e pestë” siç quhet ndryshe diaspora e Zvicrës figurin me këto shifra në një statistikë vjetore të publikuar të enjten nga Departamenti i punëve të jashtme i Zvicrës.
Sipas statistikës në fjalë, numri i “zviceranëve të jashtëm” brenda vitit 2013 është rritur për 2.3 për qind, që është mbi mesataren e pesë viteve të fundit. Më së shumti zviceranë ka në vendet evropiane gjithsej 452965. Shumica dërmuese e tyre 98.71% janë në vendet e BE-së. Ndërsa 77% e këtij numri jetojnë në katër shtetet fqinje me Zvicrën: Në Francë 191362, në Gjermani 82626, në Itali 50716 dhe në Austri 15208.
Komuniteti më i madh zviceran jashtë Evropës jeton në SHBA dhe përbëhet nga 777520 persona ose 1.58 më shumë se në vitin 2012. Me radhë vjen komuniteti i Zvicrës me qëndrim në Kanada(39253) në Australi 24007 dhe në Izrael 16913. Në këtë të fundit ka pasur rritje mbimesatare gjatë vitit që shkoi, gjegjësisht +5.9%.
Ndonëse me numrin e gjithëmbarshëm Zvicra e pestë ka madhësinë e kantonit të tretë në Zvicër, forca e saj votuese krahasohet me atë të një kantoni mesatar, si Tesina, Thurgau ose Valisi, thuhet në komunikatën e Departamentit të jashtëm. 155523 prej tyre ose 27.26% janë të regjistruar në regjistrin e votimeve.
Të tjera nga Shkurt.ch
E-Diaspora
-
Aksidentohet autobusi nga Kosova në Gjermani, 30 të lënduar Sipas policisë, 30 persona u plagosën në aksident. Dy pasagjerë u shtruan në spital dhe katër...
-
A e keni lexuar librin Mikesha gjeniale – Elena Ferrante
-
Për herë të parë në Zvicër vjen Cirku Kombëtar Shqiptar nga Tirana
-
Nga Maqedonia e Veriut në Zvicër: Histori migrimi
-
Tragjedi në Belgjikë: Pronari shqiptar i një kafeneje qëllohet për vdekje nga qiramarrësi
Jeta në Zvicër
-
Më shumë se gjashtë milionë përdorin Twint në Zvicër Twint tani pranohet si një metodë pagese nga rreth 81% e dyqaneve fizike dhe 84% e...
-
Këshilli Federal nuk dëshiron të ndëshkojë shoferët që lëvizin ngadalë nëse nuk shpejtojnë
-
Dalin detajet e një katastrofe të mundshme ajrore në Gjenevë
-
Ligji i ri i taksës së pronës përçan parlamentin
-
Cili është kriteri më i vështirë për shtetësinë zvicerane?