Zviceranët kundër “shoping-turizmit” jashtë vendit

Gjatë vitit 2011 konsumatorët zviceranë kanë blerë jashtë vendit mallra në vlerë prej rreth 5 miliardë frangash, bën të ditur SGV

Federata e Sindikatave të Zvicrës SGV ka iniciuar një fushatë me moton “Po për Zvicrën, unë blej këtu”. Fushata është drejtuar kundër “shoping-turizmit” gjegjësisht kundër atyre që për të blerë më lirë shkojnë në shtetet fqinje dhe shpenzojnë atje mjetet e fituara në Zvicër.

Në këtë fushatë pritet të inkuadrohen para së gjithash ndërmarrjet e vogla dhe ato të mesme, kryesisht në zonat afër kufirit.

Turizmi për të blerë, që është rritur me rënien e vlerës së euros ndaj frangut, e dëmton Zvicrën si sistem shoqëror, e sqaron SGV motivin e kësaj fushate. Për “sistemin zviceran” duhet kontribuuar dhe jo vetëm përfituar nga ai.

Gjatë vitit 2011 konsumatorët zviceranë kanë blerë jashtë vendit mallra në vlerë prej rreth 5 miliardë frangash, bën të ditur SGV.