Zviceranët shkojnë më shpesh në muze se sa në kinema

Muzetë zvicerane kanë tërhequr 18.400.000 vizitorë gjatë vitit të kaluar, kundrejt 18.3 në vitin 2009. Ata shënojnë më shumë vizitorë se sa kinematë me 15.100.000 milionë, tregon me shumë kënaqësi sekretari i përgjithshëm i Shoqatës së Muzeve zvicerane (AMS) në një intervistë botuar të hënën nga e përditshmja  “24 heures”.

Me 1090 muze, duke përfshirë edhe kopshtet zoologjike,  Zvicra figuron në “krye të tri vendeve botërore” së bashku me Austrinë dhe Holandën, thotë David Vuillaume. “Në Zvicër na pëlqen të shoqërojmë ndryshimet, duke i përkushtuar një vëmendje të veçantë punës për të kaluarën”.

“Vetëm 4.5%  e muzeve jetojnë me një buxhet më shumë se 5 milionë franga, kurse 3.5% me një buxhet më pak se 100 franga,” thotë David Vuillaume. Megjithatë, “konkurrenca nuk është në mes të muzeve. Por, në mes të aktiviteteve të lira ne kemi shumë për të bërë për të luftuar qoftë kundër piknikëve me familje, qoftë parqeve sikur Asterix”.

Sekretari i përgjithshëm i AMS-it vëren gjithashtu se “pritjet e publikut janë duke u bërë gjithnjë e më të larta. Ne duhet t’i tregojmë publikut një histori duke e vënë në skenë me drita, ngjyra, aroma etj. “.