Zviceranët, të kënaqur me jetën e tyre

Përkundër faktit se njerëzit me të ardhura të larta kanë më pak halle, kënaqësia e tyre me jetën marrë në tërësi nuk është më e madhe se e personave me të ardhura pak më të vogla

Zviceranët janë të kënaqur me jetën e tyre, me punën dhe me sistemin arsimor. Në këtë përfundim ka ardhur një studim (Raporti Social 2016) i realizuar me porosi të Fondit Nacional të Zvicrës, shkruan srf.ch. Raporti në fjalë është fokusuar në perceptimin subjektiv të popullatës zvicerane dhe ky perceptim ka rezultuar te shumica e madhe si pozitiv. Zviceranët në përgjithësi e konsiderojnë jetën që bëjnë si jetë me kuptim dhe të mëvetësishme.

Sipas studimit konstatohet edhe kjo: paraja s e tillë nuk të bën të lumtur, transmeton albinfo.ch. Përkundër faktit se njerëzit me të ardhura të larta kanë më pak halle, kënaqësia e tyre me jetën marrë në tërësi nuk është më e madhe se e personave me të ardhura pak më të vogla.