Zvicra me 11 medalje arrin synimin në Lojërat Olimpike Dimërore

Në përgjithësi, Zvicra ndodhet në vendin e dhjetë, me tri të arta, gjashtë të argjendta dhe dy të bronzta, pra 11

(KEYSTONE/Gian Ehrenzeller)

Ekipi olimpik i Zvicrës deri më tani ka fituar 11 medalje në Lojërat Olimpike Dimërore në PyeongChang, duke përmbushur qëllimin e vendosur përpara ngjarjes, shkruan ‘swissinfo.ch’.

Ky ishte edhe synimi para se të udhëtojnë në Korenë Jugore. Objektivi u arrit kur Michelle Gisin dhe Wendy Holdener, fituan medaljen e artë, përkatësisht të bronztën, përcjell albinfo.ch.

Njëra nga fitueset e medaljeve është skiatori Dario Cologna, i cili udhëhoqi ekipin e Zvicrës në ceremoninë hapëse të Lojërave Olimpike.

Lojërat Olimpike Dimërore përfundojnë të dielën dhe Zvicra do të ketë mundësi të fitojë më shumë medalje.

Në përgjithësi, Zvicra ndodhet në vendin e dhjetë, me tri të arta, gjashtë të argjendta dhe dy të bronzta, pra 11.

Në vendin e parë është Norvegjia me 13 medalja të arta, apo 35 në përgjithësi, e ndjekur nga Gjermania, Kanada, Shtetet e Bashkuara të Amerikës dhe Holanda.