Zvicra barazon me Spanjën, Shaqiri luan si kapiten

Shaqiri ishte kapiten nga minuta e 63-të kur nga loja doli Stephan Lichtstenier

Keystone (AP Photo/Alberto Saiz)

Ndeshja miqësore ndërmjet Spanjës dhe Zvicrës ka përfunduar me rezultat 1:1, takim që u zhvillua në Villarreal, shkruan albinfo.ch.

Për Zvicrën nga minuta e parë luajtën Xherdan Shaqiri, Blerim Xhemaili dhe Valon Behrami, kurse Granit Xhaka është i lënduar.

Xhemaili luajti në pjesën e parë, derisa Behrami deri në minutën e 63-të.

Shaqiri ishte kapiten nga minuta e 63-të kur nga loja doli Stephan Lichtstenier.

Odriozola shënoi për Spanjën në pjesën e parë, derisa barazoi Rodriguez në minutën e 62-të.

Zvicra para fillimit të Botërorit do të ketë edhe një ndeshje miqësore me Japoninë.

https://www.dailymotion.com/video/x6kzblb