Zvicra dhe Gjermania bien dakord për gjobitjen e shoferëve të njëra-tjetrës

Keystone EPA/KERSTIN JOENSSON

Motoristët gjermanë të gjobitur në Zvicër për shkelje të trafikut, së shpejti do t’u kërkohet të paguajnë gjobën në Gjermani – dhe anasjelltas, përcjell albinfo.ch.

Kjo masë parashikohet në një marrëveshje të re dypalëshe policore mes dy vendeve, që do të hyjë në fuqi më 1 maj.

Rregullorja e re zbatohet nëse gjoba e vendosur kalon 70 euro ose 80 franga.

Në Zvicër, këto pragje arrihen shpejt: tejkalimi i shpejtësisë me 20 km në orë në autostradë kushton 180 franga (184.30 euro), dhe është edhe më i shtrenjtë në rrugët dytësore. Në Gjermani, kjo lloj vepre penale kushton 60 euro (58.75 franga).