Zvicra do ketë probleme të theksuara me mungesën e mjekëve

Pixabay: Ilustrim

Nga shoqata zvicerane e mjekëve të Familjes dhe Fëmijëve paralajmërojnë pasoja nga mungesa e mjekëve.

“Ne do të kemi probleme të mëdha në dy deri në tre vitet e ardhshme. Nuk ka më mjekë të mjaftueshëm për të trajtuar popullatën, as në spitale dhe as në operacione”, tha Philippe Luchsinger, përcjell albinfo.ch.

Duhet të jesh i përgatitur që të presësh disa muaj për një takim me mjekun e familjes apo për një ekzaminim nga një specialist, vijon ai.

Tutje shton se në këtë rast të fillojë edhe klasifikimi.

“Ne do të duhet të largojmë pacientët me sëmundje më të lehta, sepse nuk do të kemi kohë për to. Kjo do të thotë se mund të mos jemi në gjendje të trajtojmë një sëmundje në një fazë të hershme. Megjithatë, për disa sëmundje, si kanceri, trajtimi i hershëm është vendimtar”, shpjegon Philippe Luchsinger, shkruan RTS.

Mjeku i përgjithshëm 66-vjeçar vëren se mungesa e mjekëve nuk ka të bëjë vetëm me pediatrinë, por edhe me fusha të specializuara si kardiologjia dhe radiologjia.

“Ne nuk kemi arritur të trajnojmë mjaft mjekë,” ankohet ai.

Ai tregon kufijtë e numerus clausus. Kufizimi i numrit të vendeve të studimit në 1,350 në vit ishte aspak i mjaftueshëm, thotë ai. Ai u bën thirrje kantoneve të “ofrojnë më shumë vende studimi”, përcjell albinfo.ch.