Zvicra do ta përkrah Kosovën

Ministri i Punëve të Jashtme, Behgjet Pacolli dhe Ministri Punëve të Jashtme të Konfederatës Zvicerane, Ignazio Cassis janë takuar për të biseduar mardhëniet bilaterale të dy vendeve.

Zëvendëskryeministri dhe ministri i Punëve të Jashtme, Behgjet Pacolli, gjatë ditës së sotme ka takuar ministrin e Punëve të Jashtme të Konfederatës Zvicerane, Ignazio Cassis.

Sipas një postimi në profilin zyrtar të tij në “Facebook”, Pacolli ka thënë se gjatë takimit është diskutuar për marrëdhëniet bilaterale në interes të të dyja vendeve, shkruan Albinfo.ch.

“Sot, në kuadër të turneut tim, për të fuqizuar politikën e jashtme të Kosovës, kisha nderin të takohem me Ministrin e Punëve të Jashtme të Konfederatës Zvicerane, Ignazio Cassis. Me ministrin  Cassis zhvilluam një bisedë të gjatë ku trajtuam tema aktuale që lidhen me marrëdhëniet tona bilaterale, në interes të vendeve tona dhe ne funksion të kultivimit të mëtejmë të bashkëpunimit me shtetin zviceran. Zvicra, si gjithmonë do të vazhdojë të mbështetë Kosovën në të gjitha drejtimet, qofshin ato të karakterit ekonomik apo politik”, ka shkruar Pacolli në Facebook. 

 

---