Zvicra do të dërgojë përfaqësues zyrtar në Lojërat Olimpike të Pekinit

Një anëtar i Qeverisë zvicerane, sipas të gjitha gjasave, do të udhëtojë në Pekin muajin e ardhshëm për hapjen e Lojërave Olimpike Dimërore, shkruan swissinfo.ch, përcjell albinfo.ch.

Në takimin e së mërkurës shtatë ministrat ranë dakord në parim që njëri prej tyre të udhëtonte me delegacionin zviceran për të përfaqësuar vendin në Lojërat, të cilat fillojnë më 4 shkurt, tha zëdhënësi i qeverisë.

Një vendim përfundimtar në varësi të situatës së pandemisë do të merret në një datë të mëvonshme.

Kështu, Zvicra nuk do të ndjekë vendimin e disa vendeve të tjera perëndimore në javët e fundit për të bojkotuar diplomatikisht Olimpiadën, duke dërguar atletë për të garuar, por jo përfaqësues zyrtarë – si një protestë kundër çështjeve të të drejtave të njeriut në Kinë, përcjell tutje albinfo.ch.

---

LAJME INTERESANTE NGA INTERNETI