Kosova
Zvicra do të rrisë numrin e ushtarëve në Kosovë për shkak të “përkeqësimit të situatës”
Si arsyetim për rritjen e numrit të ushtarëve në kuadër të Swisscoy-t, qeveria e vendit ka përmendur “përkeqësimin e situatës politike dhe asaj të sigurisë në Kosovë dhe në Ballkanin Perëndimor".
Këshilli Federal i Zvicrës do të vazhdojë mandatin e Swisscoy-t në Kosovë. Për më tepër, ai i propozon Parlamentit që këtë mision ta rrisë duke i shtuar 30 ushtarë. Nga 165 sa janë tani, Swisscoy duhet të rritet në 195, thuhet në një komunikatë të Këshillit Federal të lëshuar sot.
Kjo rritje do të vinte pas zvogëlimit të numrit të trupave që ishte bërë viteve të fundit, transmeton albinfo.ch. Si arsyetim për rritjen e numrit të ushtarëve në kuadër të Swisscoy-t, qeveria e vendit ka përmendur “përkeqësimin e situatës politike dhe asaj të sigurisë në Kosovë dhe në Ballkanin Perëndimor”.
Sipas saj, kjo dhe është arsyeja përse NATO ka hequr dorë nga reduktimi i planifikuar më parë i trupave të saj të stacionuara në Kosovë.
Kontributi në rritjen e sigurisüe në Kosovë është edhe në interes të Zvicrës, thuhet në arsyetimin e kërkesës që departamenti i mbrojtjes në Qeverinë e Zviucrës bën për rritje të misionit. Ushtria mund të nxjerrë mësime të dobishme nga misioni në “Swisscoy”.
Më tutje Këshilli Federal drejton kritika të ashpra për gjendjen në terren. “Pushteti politik në Kosovë është përqendruar në duart e ish pjesëtarëve të UÇK-së dhe pjesërisht qëndron në afërsi me krimin e organizuar”, thuhet më tutje në mesazhin e qeverisë së vendit.
“Sistemi me lidhjet në mes të politikës, ekonomisë dhe krimit të organizuar e favorizon korrupcionin dhe frenon zhvillimin e vendit në një shtet të së drejtës”, thuhet m,ë tutje në mesazhin e Qeverisë.
Parlamenti i Kosovës është jofunksional, reformat e domosdoshme nuk merren parasysh. Në veriun e Kosovës, të banuar me shumicë serbe vazhdon të ketë potencial të përshkallëzimit të situatës. Grupimet mafioze të cilat përkrahen nga qeveria serbe në Beograd kontrollojnë partinë “Lista Srpska” që përfaqëson shumicën në komunitetin serb të Kosovës.
Autoritetet vendore ende nuk janë në gjendje të krijojnë një ambient të sigurt. Nga ana tjetër, KFOR-i vlerësohet lart nga të gjithë dhe gëzon një besueshmeëri të lartë. Zvicra me pjesëmarrjen e saj dëshmon solidaritetin e saj edhe pse Swisscoy përbën më pak se 5% të përbërjes së KFOR-it”, thuhet veç tjerash në mesazhin e Këshillit Federal të Zvicrës.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor