Ukraina

Zvicra furnizon Ukrainën me pajisje zjarrfikëse

Dorëzimi përfshin doreza mbrojtëse, kostume mbrojtëse, çorape dhe sende të ngjashme, ka konfirmuar Departamenti Federal i Punëve të Jashtme (EDA)

Zvicra ka dërguar të mërkurën pajisje zjarrfikëse në Ukrainë. Materiali vjen nga stoqet e DDPS, trasnmeton albinfo.ch. Dorëzimi do të bëhet nën drejtimin e Drejtorisë për Zhvillim dhe Bashkëpunim (Deza).

Dorëzimi përfshin doreza mbrojtëse, kostume mbrojtëse, çorape dhe sende të ngjashme, ka konfirmuar Departamenti Federal i Punëve të Jashtme (EDA) në një postim në Facebook nga ambasada ukrainase, shkruan srf.ch. Deza i ka dorëzuar materialin në fjalë, ambasadës.

Sipas informacioneve të EDA-s, një tjetër dorëzim do të bëhet në javën e ardhshme. Për të ndihmuar spitalet e bombarduara në Ukrainë, DEZA po dërgon gjithashtu furnizime mjekësore në vend. Këto përfshijnë respiratorë, doreza ekzaminimi, maska ​​mbrojtëse.

Që nga fillimi i agresionit të Rusisë kundër Ukrainës, DEZA ka dërguar 600 tonë ndihma në vend. Përveç Ukrainës, ndihmat shkojnë edhe në vendet fqinje, të cilat kanë pranuar shumë refugjatë lufte.


LAJME INTERESANTE NGA INTERNETI