Zvicra gradualisht braktis energjinë nukleare

Katastrofa në Fukshima ka bërë që të merret ky vendim, ka sqaruar ministrja e energjisë, Doris Leuthard

Zvicra duhet të dalë gradualisht nga shrytëzimi i energjisë nukleare, ka vendosur sot Qeveria Federale. Qeveria synoln që lejet aktuale për punë të pesë centraleve bërthamore të mos mund të vazhdohen sërish.

Centrali Beznau I do të jetë i pari, i cili pas tetë vitesh do të nxirret nga rrjeti, ndërsa ai Leibstadt, pas 23 vitesh. Ndërkohë nuk do të lejohet ndërtzimi i centraleve të reja.

Katastrofa në Fukshima ka bërë që të merret ky vendim, ka sqaruar ministrja e energjisë, Doris Leuthard në një konferencë për medie.

Strategjia e re përfshin masa si shfrytëzimin më të madh të energjisë së përtëritshme si uji, dielli, era etj. Por siguria e furnizimit me energji duhet të mbetet e paprekur.

Parlamenti Federal do të merret me planet e qeverisë gjatë sesionit veror në vijim.