Tematike
Zvicra ka mbi 8.6 milionë banorë: Rritje e numrit të të moshuarve
Numri i personave të moshës mbi 65 vjeçare është rritur nga 1.577.300 sa ishte në vitin 2018 në 1.606.100, në fund të vitit 2019
8,603.900 njerëz ka numëruar Zvicra në fund të vitit 2019, që është gati 60,000 më shumë se një vit më parë. Ndërkaq, përqindja e të moshuarve është rritur për 1.2 për qind, thuhet në një komunikatë të Zyrës Federale për Statistikë.
Kantoni i Cyrihut ka shënuar rritjen më të madhe. Nga ana tjetër, kantonet: Appenzell Innerrhoden, Neuenburg (Neuchatel), Nidwalden dhe Tiçino kanë regjistruar një rënie të popullatës.
Rritja e përgjithshme prej 0.7 përqind korrespondon me normat e rritjes në vitet 2003, 2006 dhe 2018. Ndërsa është më e ulët se ajo midis 2007 dhe 2016. Në atë kohë, popullsia në Zvicër qe rritur për më shumë se 1 për qind në çdo vit.
Ndërkohë, mbi një e katërta e popullsisë (25.3 për qind) përbëhet nga shtetas të huaj. Rritja prej 1,2 për qind e kësaj kategorie korrespondon afërsisht me atë të dy viteve të mëparshme. Por ajo është nën vlerën e shënuar nga viti 2007 deri në vitin 2016, transmeton albinfo.ch. Në atë kohë, përqindja e të huajve ishte rritur me 2.4 në 4.2 përqind çdo vit.
Kantoni i Gjenevës ka regjistruar përqindjen më të lartë të të huajve me gati 40 për qind (39.9%). Megjithatë, shkalla e rritjes prej 0.7 për qind në këtë kanton, është nën mesataren e vendit.
Në fundin e tabelës për nga numri i të huajve është kantoni Appenzell Innerrhoden, i cili ka regjistruar përqindjen më të ulët të të huajve, përkatësisht 11.3 për qind. Atje, numri i njerëzve me shtetësi të huaj ka rënë për 0,5% në 1,800.
Bilanci i migracionit ka një pjesë të madhe të meritës për rritjen e numrit të përgjithshëm të popullsisë: 170.800 njerëz kanë imigruar (janë vendosur në Zvicër), 0.4 për qind më shumë se një vit më parë, përcjell albinfo.ch.
Në të njëjtën kohë, numri i emigrantëve (atyre që kanë lënë Zvicrën) ka rënë për 5.4 për qind. Bilanci i migracionit është rritur për 19.4 për qind.
Bilanci i lindjeve ka kontribuuar në një masë paksa më të vogël në rritjen e popullsisë. Tiçino si një kanton tradicional i pensionistëve ka regjistruar rritjen më të lartë të vdekjeve si përqindje në krahasim me lindjet: Pra, në këtë kanton janë shënuar 2,621 vdekje krahas 1753 lindjeve.
Numri i personave të moshës mbi 65 vjeçare është rritur nga 1.577.300 sa ishte në vitin 2018 në 1.606.100, në fund të vitit 2019. Përqindja e personave të moshuar në gjithë popullsinë, tani është 18.7 për qind.
Tashmë ka më shumë të moshuar se sa të rinj në dymbëdhjetë kantone zvicerane, transmeton albinfo.ch. Dhe pensionistët po vazhdojnë të jetojnë më gjatë: përqindja e njerëzve mbi moshën 80 vjeçare është rritur për 2.3 për qind, ndërsa 28.3 për qind e pensionistëve po arrijnë këtë moshë.
Në fund të vitit 2019, 1.600 njerëz ishin mbi 100 vjeç, gati 5 për qind më shumë se në një vit më parë.
Të ngjashme
Të tjera nga Tematike
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Rritet numri i kopshteve dygjuhëshe në Zvicër Në kopshtin e fëmijëve në shkollën Vignettaz në Freiburg, nëntë fëmijë ulen në një rreth dhe...
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?