Zvicra mbështet Kosovën në forcimin e demokracisë përmes projekteve kundër korrupsionit

Zvicra mbështet projekte antikorrupsion në Kosovë

Ambasada e Zvicrës në Kosovë ka theksuar rëndësinë e angazhimit zviceran në forcimin e demokracive përmes mbështetjes së reformave dhe përpjekjeve kundër korrupsionit, transmeton albinfo.ch.

Në një postim të publikuar së fundmi, Ambasada njofton se ka mirëpritur kolegë nga dhjetë vende të ndryshme, me qëllim diskutimin e mënyrave se si Zvicra mund të përmirësojë programet dhe qasjen e saj në luftën kundër korrupsionit.

Sipas ambasadës, në shumë vende korrupsioni vazhdon të mbetet një nga shqetësimet kryesore për qytetarët, në veçanti për të rinjtë, çka e bën edhe më të domosdoshëm bashkëpunimin ndërkombëtar për promovimin e integritetit dhe rritjen e transparencës institucionale.

Në këtë kontekst, Ambasada e Zvicrës vlerëson se qasja afatgjatë dhe adaptive e Zvicrës është e përshtatshme për të nxitur ndryshime pozitive dhe për të mbështetur reforma konkrete anti-korrupsion në vendet partnere./Albinfo.ch

---