Zvicra mbështet projektet për zhvillimin e fëmijëve me aftësi të kufizuara në Shqipëri

Së bashku me UNDP-në në Shqipëri, përmes projektit «Askush Mos të Mbetet Pas» Ambasada e Zvicrës mbështet qendrat komunitare të bashkive për fëmijët me aftësi të kufizuara në të gjithë Shqipërinë, përcjell albinfo.ch.

Përgjatë dy ditësh profesionistët që shërbejnë në këto qendra po mësojnë se si të krijojnë një rrjet që do të mundësojë shkëmbimin dhe mësimin e praktikave më të mira.

Me kapacitete të përforcuara ata do të ofrojnë shërbime dhe mbështetje më cilësore për personat me aftësi të kufizuara.

Vlen të theksohet se deri më tani janë hapur 16 qendra komunitare në bashki, ku përmes tyre 400 ëmijë me aftësi të kufizuara përfitojnë dhe 80 profesionistë të trajnuar mirren më keta persona.