Zvicra, me dy shqiptarë përballë Ukrainës

Për dy ndeshjet e muajit shtator, nga futbollistët shqiptarë janë ftuar vetëm Granit Xhaka dhe Albian Ajeti

Zvicra sonte nga ora 20:45 do të ketë ndeshjen e parë në Ligën e Kombeve A në kuadër të Grupit 4. Helvetikët janë mysafirë të Ukrainës, derisa më 6 shtator e presin Gjermaninë. Pjesë e këtij grupi është edhe Spanja, shkruan albinfo.ch.

Për dallim nga herët e kaluara, përzgjedhësi i Zvicrës, Vladimir Petkoviq, ka ftuar vetëm dy futbollistë shqiptarë: Granit Xhakën që luan për Arsenalin dhe sulmuesin e Celtic në Skoci, Albian Ajeti.

Për shkak të lëndimit, do të mungojnë Xherdan Shaqiri dhe Admir Mehmedi.

Vetëm vendi i parë do të ketë mundësi të kualifikohet tutje, në garë për të fituar trofeun e Ligës së Kombeve, ku katër shtetet më të mira nga secili grup i Divizionit A do të garojnë për këtë trofe.

Lista e plotë:

Portierë: Yvon Mvogo Jonas Omlin, Yann Sommer.

Mbrojtës: Manuel Akanji, Loris Benito, Nico Elvedi, Michael Lang, Becir Omeragiq, Kevin Mbabu, Ricardo Rodriguez, Silvan Widmer.

Mesfushorë dhe sulmues: Michael Aebischer, Albian Ajeti, Breel Embolo, Christian Fassnacht, Mario Gavranoviq, Haris Seferoviq, Simon Sohm, Djibril Sow, Renato Steffen, Ruben Vargas, Granit Xhaka dhe Steven Zuber.

---