Zvicra ndalon reklamat e duhanit

Photo Gerd Altmann

Këshilli Federal vendosi të ndalojë reklamimin e produkteve të duhanit dhe cigareve elektronike në vendet ku të rinjtë kanë akses, duke përfshirë median e shkruar dhe atë online, përcjell albinfo.ch.

“Reklamimi në internet do të mbetet i lejuar, me kusht që një sistem i kontrollit të moshës të garantojë që të miturit nuk mund të konsultohen me faqet që e përmbajnë atë”, njoftoi qeveria të mërkurën. “Një sistem i tillë i kontrollit të moshës do të zbatohet edhe për shitjen e produkteve online ose me anë të makinave shitëse”.

Përveç kësaj, “sponsorizimi i ngjarjeve në të cilat të miturit kanë akses nuk do të jetë më i mundur”.

Ndalimi do të hyjë në fuqi në vitin 2026.