Shqipëria
Zvicra njofton programin e ri të bashkëpunimit me Shqipërinë për vitet 2026–2028
Zvicra ka prezantuar sot një fazë të re të bashkëpunimit me Shqipërinë për periudhën 2026–2028, me një buxhet prej 58 milionë frangash zvicerane. Ky program synon të forcojë qeverisjen demokratike, zhvillimin ekonomik dhe infrastrukturën në vend.
Ministrja për Evropën dhe Punët e Jashtme, Elisa Spiropali, theksoi rëndësinë e vazhdimit të dialogut politik mes dy vendeve. “Prioritetet tona janë të qarta: do të vijojmë të fuqizojmë aksin e bashkëpunimit Bernë-Tiranë dhe të thellojmë partneritetet në fusha si inovacioni, siguria kibernetike, turizmi dhe arsimi profesional,” u shpreh Spiropali.
Didier Chassot, drejtor i Divizionit të Evropës dhe Lindjes së Mesme në Agjencinë Zvicerane për Zhvillim dhe Bashkëpunim (SDC), vuri në dukje përkushtimin e Zvicrës për të mbështetur një demokraci gjithëpërfshirëse dhe të qëndrueshme në Shqipëri, duke theksuar se bashkëpunimi do të vazhdojë përtej vitit 2028.
Nga ana tjetër, Pietro Lazzeri, drejtor i Bashkëpunimit Ekonomik dhe Zhvillimit në Sekretariatin Shtetëror Zviceran për Çështjet Ekonomike (SECO), nënvizoi se programi i ri synon të krijojë një ekonomi konkurruese dhe të orientuar nga inovacioni, duke mbështetur stabilitetin makroekonomik, klimën e biznesit dhe kapacitetin e eksportit në përputhje me standardet e BE-së. Programi përqendrohet në tre fusha kryesore: qeverisje gjithëpërfshirëse, zhvillim ekonomik dhe punësim, si dhe zhvillim urban dhe sfidat klimatike. Një veçori e rëndësishme është edhe krijimi i partneriteteve institucionale dhe marrëveshjeve të binjakëzimit midis institucioneve shqiptare dhe zvicerane.
Ambasadorja e Zvicrës në Shqipëri, Ruth Huber, theksoi rëndësinë e lidhjeve direkte midis autoriteteve shqiptare dhe qendrave federale zvicerane në fusha si shkenca e ujit, energjia, statistikat, metrologjia dhe pronësia intelektuale.
Zvicra ka qenë një partner kryesor i Shqipërisë për mbi 30 vjet, duke kontribuar me më shumë se 500 milionë franga zvicerane në sektorë si qeverisja demokratike, arsimi profesional, mbështetja makroekonomike dhe shëndetësia. Bashkëpunimi realizohet përmes dy agjencive qeveritare zvicerane, SDC dhe SECO.
Të tjera nga Shqipëria
E-Diaspora
-
SVP, me 3700 nënshkrime kundër xhamisë së shqiptarëve në Schwyz Një qendër kulturore islame po e ndan fshatin në kantonin Schwyz. SVP ka nisur një peticion... -
Shkatërron mercedesin në një vetaksident: 6 muaj burg për kosovarin -
Kosova, 18 vite shtet në Gjenevë – diplomacia dhe arti shqiptar në një skenë të përbashkët -
Austri
Nuk u vlerësua nga juria, por kënga e Sidrit Vokshit bëhet hit ne Austri -
Berlin
Kosova feston 18-vjetorin e Pavarësisë në Berlin me një mbrëmje solemne
Jeta në Zvicër
-
Gabim në Thurgau: I jepet shtetësia zvicerane një personi të vdekur Parlamenti i kantonit Thurgau i dha shtetësinë zvicerane 140 personave javën e kaluar, përfshirë një gjerman... -
Shkatërron mercedesin në një vetaksident: 6 muaj burg për kosovarin -
Qendrat federale të azilit në Zvicër, kritika për kushte si në burg -
Dështimet e SECO vazhdojnë të ndikojnë tek të papunët -
Shtetet e BE-së miratojnë marrëveshjet me Zvicrën












