Zvicra organizon fluturime me ndihma për Venezuelën

(KEYSTONE/Christian Merz)

Zvicra ka bartur afro 100 tonë ndihma, kryesisht furnizime mjekësore, në Venezuelë për të ndihmuar në luftën kundër pandemisë koronavirus, shkruan swissinfo.ch, përcjell Albinfo.ch.

Qeveria zvicerane caktoi një aeroplan ngarkesash për të mbështetur përpjekjet e nëntë organizatave – agjencive të Kombeve të Bashkuara, Komitetit Ndërkombëtar të Kryqit të Kuq (ICRC) dhe OJQ-ve – që kishin mbledhur furnizime me vlerë 2 milionë CHF (2.1 milionë dollarë) për të ndihmuar njerëzit në Venezuelë.

Ndihma përfshinte pajisje mbrojtëse personale për t’u përdorur në luftimin e Covid-19, ilaçe, pajisje urgjente, artikuj higjeno-sanitar etj., për të ndihmuar rreth 1.2 milion njerëz, tha Ministria e Jashtme e Zvicrës më 19 qershor.

Që nga fillimi i pandemisë, Zvicra ka shpërndarë ndihma në disa vende në Evropë, Afrikë dhe Azi, përcjell tutje albinfo.ch.