Zvicra pa Xhakën e Jasharin në ndeshjen e ardhshme

Zvicra do të jetë pa kapitenin Granit Xhaka dhe mesfushorin Ardon Jashari.

Dje u bë e ditur se Albian Hajdari dhe Andi Zeqiri janë dy futbollistët shqiptarë të ftuar nga selektori i Zvicrës, Murat Yakin, për dy ndeshjet miqësore të këtij muaji, përcjell albinfo.ch.

Ndërkohë, Zvicra do të jetë pa kapitenin Granit Xhaka dhe mesfushorin Ardon Jashari.

Xhaka ka marrë leje nga Yakin, pasi pritet të bëhet baba për herë të tretë, ndërsa Jashari u lëndua të mërkurën në ndeshjen kthyese të Club Brugge ndaj Aston Villa-s.

Zvicra ndeshjen e parë e luan të premten e ardhshme ndaj Irlandës së Veriut, ndërsa më 25 mars përballet me Luksemburgun.

---