Lajme

Zvicra po frenon përhapjen e virusit: Pesë arsye për të qenë optimist

Numri i rasteve po bie në Zvicër, shtretërit janë falas në spitale, shkalla e përhapjes, e vogël, testet e shpejta dhe vaksina e fundit që premton shumë, janë pesë arsye që sipas autoriteteve shëndetësore zvicerane janë optimsite dhe plot shpresë.

Zyra Federale e Shëndetit Publik (FOPH), në një prononcim për media, i ka bërë publikut zviceran me dije se duhet të jenë optimistë në lidhje me frenimin e përhapjes së koronavirusit, edhe pse “valët e dyta janë të vështira dhe zakonisht zgjasin më gjatë”, transmeton albinfo.ch.

Numri i rasteve po bie

BAG ka disa ditë që raporton ulje të të infekuarve në raport me ditët e tjera, apo saktësisht me javët që kaluan pas, ku numri ishte dukshëm më i lartë, thanë autoritetet shëndetësore.

Shtretër të bollshëm në spitale

Disa javë më parë, zyrtarët kishin frikë nga mbipopullimi i njësive të kujdesit intensiv (ICU). Në fakt, disa spitale në kantonet frëngjishtfolëse u desh të transferonin disa pacientë në ambientet mjekësore më pak të ngarkuara në pjesën zvicerano-gjermane.

Për momentin, megjithatë, 28.6 për qind e të gjitha shtretërve janë ende në dispozicion, siç tha të martën Andreas Stettbacher, përfaqësuesi i Këshillit Federal për shërbimin e koordinuar mjekësor.

Kjo do të thotë që 318 nga 1,109 shtretër ICU në spitalet zvicerane janë falas. Në përgjithësi, pacientët Covid-19 zënë rreth një të pestën e të gjithë shtretërve spitalorë të kujdesit kritik.

Shkalla e riprodhimit (R)

Kjo është një mënyrë për të vlerësuar aftësinë e Covid për t’u përhapur. Thuhet se shkalla aktuale e R në Zvicër është 1.05. Do të thotë që 10 persona të infektuar kontaminojnë mesatarisht 10.5 persona.

Ndërsa qëllimi është të mbahet R nën një, “norma aktuale është më e ulët sesa ka qenë në muaj”, thanë zyrtarët.

Testet e shpejta

Futur në disa kantone zvicerane këtë javë, këto ‘teste të shpejta antigjeni’, të cilat japin një rezultat brenda 15 deri në 20 minuta – në vend të 24 deri në 48 orë për teste konvencionale – do të bëjnë të mundur zbulimin e rasteve pozitive më shpejt.

“Qëllimi i kësaj strategjie është të zbulojë sa më shumë infeksione. Kjo është mënyra e vetme e thyerjes sistematike të zinxhirëve të infeksionit, e cila është thelbësore për menaxhimin e epidemisë”, tha FOPH.

Disa qindra nga këto teste kryhen aktualisht çdo ditë dhe tendenca po rritet, thanë zyrtarët.

Vaksina

Ndërsa nuk është ende gati për përdorim, një vaksinë e re e koronavirusit e zhvilluar nga kompanitë e farmacisë Pfizer dhe BioNTech po tregon ‘efikasitet të lartë’ në këtë fazë të procesit të testimit, tha FOPH.

Kjo është vetëm një nga disa vaksinat që janë duke u zhvilluar dhe testuar aktualisht, dhe qeveria nënshkroi kontrata me disa prodhues të ndryshëm./Albinfo.ch

 


LAJME INTERESANTE NGA INTERNETI