Ukraina

Zvicra mbështet Gjykatën speciale për luftën në Ukrainë

Zvicra ka thënë se duhet të krijohet një gjykatë speciale për të trajtuar krimin e agresionit kundër Ukrainës nga Rusia.

Kombi alpin zyrtarisht u angazhua për këtë qëllim në një takim në Berlin të enjten, duke iu bashkuar një “grupi kryesor” të shteteve që mbështesin krijimin e një tribunali të tillë, shkruan swissinfo.

“Zvicra është plotësisht e bindur se agresioni kundër Ukrainës nuk duhet të mbetet i pandëshkuar”, tha Departamenti Federal i Punëve të Jashtme të Zvicrës në një deklaratë.

Sipas kësaj deklarate, pjesëmarrja e Zvicrës në këtë grup thelbësor plotëson mbështetjen e saj për përpjekjet kombëtare dhe ndërkombëtare për të ndjekur penalisht dhe gjykuar të gjitha krimet ndërkombëtare të kryera në Ukrainë, tha ai ndërsa këto nisma janë në përputhje me angazhimin afatgjatë të Zvicrës për të luftuar pandëshkueshmërinë, përcjell albinfo.ch.

Ndryshe, gjatë muajve të fundit, nisma ka marrë mbështetje nga 38 shtete, duke përfshirë Francën, Gjermaninë, Norvegjinë, Guatemalën, Japoninë dhe Kanadanë, teksa “gupi kryesor” tani po kërkon të zhvillojë zgjidhje për hartimin praktik të një tribunali të tillë, duke përfshirë formatin, selinë dhe metodat e punës.