Shkurt.ch

Zvicra propozon Sionin për Lojërat Olimpike dimërore 2026

E premte, 10 Mars 2017 - 9:06 albinfo.ch

Komiteti Olimpik zvicerane propozon qytetin e Sionit për Lojërat Olimpike dimërore më 2026. Më parë Zvicra kishte refuzuar St. Moritz dhe Davos, pasi votuesit në kantonin Graubünden, të cilët u përkasin këtyre dy qyteteve, votuan kundër aplikimit.

Sion përmbush të gjitha kërkesat për herë të tretë të jetë nikoqir i Lojërave dimërore. Zvicra ishte dy herë nikoqire e olimpiadës në Sz Moritz, në vitin 1928 dhe në vitin 1948, tha Komiteti Olimpik zviceran.
Vendimi për të konkurruar do të ratifikohet zyrtarisht më 11 prill në Parlamentin sportiv, të përbërë nga 86 shoqata zvicerane sportive dhe Komiteti Olimpik zviceran.

Komiteti Olimpik Ndërkombëtar për vendin ku do të zhvillohen Lojërat dimërore më 2026 do të vendosë më 2019, dhe përpos Sionit, konkurrojnë edhe Calgary, Sapporo dhe Insbruk.