Shkurt.ch

Zvicra redukton përfaqësitë e saj në botë

40 nga gjithsej 50 filialet e DEZA-s do të integrohen brenda ambasadave përkatëse. Veç kësaj, do të mbyllen 15 konsullata

E mërkurë, 21 Gusht 2013 - 8:32 albinfo.ch

Nevoja për kursim, ka shtyrë Ministrinë e Punëve të Jashtme të Zvicrës që të bëjë reduktimin e rrjetit të saj jashtë vendit.

Në fokus të këtyre reduktimeve është integrimi i filialeve të jashtme të DEZA-s (Drejtoria për Zhvillim dhe Bashkëpunim) në kuadrin e ambasadave në vendet përkatëse.

“Qëllim i kësaj reforme është që të sigurohet që të ketë vetëm një përfaqësi unike të Zvicrës në akëcilin vend” , ka thënë për emisionin e SRF “Tagesschau”, në mbrëmjen e të martës, sekretari shtetëror i ministrisë së jashtme, Yves Rossier.

Përfaqësitë e ndryshme brenda një shteti shpesh nuk janë koordinuar dhe madje kanë ndjekur edhe interesa të kundërt njëra me tjetrën.

Siç merr vesh “Tagesschau”, 40 nga gjithsej 50 filialet e DEZA-s do të integrohen brenda ambasadave përkatëse.  Veç kësaj,  do të mbyllen edhe konsullatat në vende të ndryshme të botës.

Proesi i reduktimeve tashmë është duke u zbatuar. Në kuadrin e tij, nga viti 2012 deri në vitin 2014 pritet të mbyllen 15 konsullata. Ndërsa minsitri i jashtem, Burkhalter nuk e përjashton edhe mundësinë e mbylljes së ambasadave, në varësi nga nevoja për to.

 Të tjera nga Shkurt.ch

Këshilli Federal e konsideron ndalimin e telefonave inteligjentë për fëmijët nën 12 vjeç si shumë kufizues

 E-Diaspora

 Jeta në Zvicër