Zvicra, Shqipëria e Kosova mund të jenë me një grup

Zvicra ndodhet në vendin e parë në Evropë pas Ligës së Kombeve, dhe kështu do të jetë në vazon e parë

Grupet në Ligën e Kombeve përfunduan zyrtarisht të martën. Tashmë të gjithë janë në pritje të shorit më 2 dhjetor në Dublin, shkruan albinfo.ch.

Për kualifikimet në Kampionatin Evropian, vazot janë përcaktuar edhe zyrtarisht.

Zvicra ndodhet në vendin e parë në Evropë pas Ligës së Kombeve, dhe kështu do të jetë në vazon e parë. Nati gjithashtu është kualifikuar në “Play-off” të Ligës së Kombeve dhe nëse fiton këtë garë, atëherë, kualifikimet i zhvillon vetëm si miqësore.

Shqipëria do të bëjë pjesë në vazon e 4-t, duke zbritur me një shkallë krahasuar me eliminatoret e Kupës së Botës 2018, ku Shqipëria ishte në vazon e tretë.

Vetëm vazo e 5-të për Kosovën pavarësisht paraqitjeve të shkëlqyera në Ligën e Kombeve, kështu që ekzistojnë mundësitë që kuqezinjtë dhe ‘Dardanët’ të jenë në të njëjtin grup.

Befasia më e madhe është Gjermania që ka zbritur në vazon e dytë. Grupet do të jenë me 5 dhe 6 kombëtare.

Kështu ka gjasa që Zvicra, Shqipëria dhe Kosova të jenë në një grup. Kosova nuk mund të jetë në grup me Serbinë dhe Bosnjën.

Vazot

Vazoja e parë: Anglia, Portugali, Holanda, Zvicra, Spanja, Belgjika, Italia, Kroacia, Franca dhe Polonia.

Vazoja e dytë: Gjermania, Bosnja Hercegovina, Çekia, Danimarka, Islanda, Rusia, Suedia, Ukraina, Uellsi dhe Austria.

Vazoja e tretë: Finlanda, Irlanda e Veriut, Norvegjia, Irlanda, Serbia, Sllovakia, Turqia, Bullgaria, Izraeli dhe Skocia.

Vazoja e katërt: Shqipëria, Qipro, Estoni, Gjeorgji, Greqi, Lituani, Mali i Zi, Estoni, Hungari dhe Rumani.

Vazoja e pestë: Armeni, Azerbajxhan, Bjellorusi, Gjilbraltar, Kazakistan, Kosova, Luksemburg, Maqedoni, Moldavi dhe Ishujt Faraore.

Vazoja e gjashtë: Andora, Letonia, Lihtenshtejni, San Marino dhe Malta

---