Më së shumti mërgimtarë nga Maqedonia e Veriut janë regjistruar në Zvicër

(KEYSTONE/Karl Mathis)

Regjistrimi i diasporës apo i shtetasve që jetojnë jashtë kufijve shtetërorë të Maqedonisë së Veriut është ende në proces.

E lista e top 5 shteteve nga ku janë regjistruar më së shumti mërgimtarë, shtetas të Maqedonisë së Veriut, deri më 26 gusht 2021, e ka renditur të parën Zvicrën.

Me 62 mijë e 521 mërgimtarë nga Maqedonia e Veriut që janë regjistruar në shtetin zviceran, e ka bërë Zvicrën të jetë e para në këtë aspekt, duke e lënë pas Gjermaninë me mbi 19 mijë më pak.

Pra, Gjermania renditet e dyta në regjistrimin e mërgimtarëve nga Maqedonia e Veriut, me 43 mijë e 196 të regjistruar. Pas saj vjen Italia me 26 mijë e 867 mërgimtarë, Austria me 11 mijë e 55, e po ashtu mërgimtarët që jetojnë përtej oqeanit nuk kanë hezituar të regjistrohen, duke i renditur Shtetet e Bashkuara të Amerikës në vendin e pestë, me 8 mijë e 197 mërgimtarë.

Së paku kështu ka njoftuar gazetari shqiptar në Maqedoninë e Veriut, Kasam Selimi, i cili ka shpërndarë këtë informacion në rrjetin e tij social, Facebook.

Këtu e gjeni linkun e shkrimit të gazetarit Selimi.

https://www.facebook.com/100003896056242/posts/2179071052232742/?d=n

Ndryshe, mërgata e Maqedonisë së Veriut do të mund të regjistrohet deri me 30 Shtator 2021.