Zvicra “shuan” historinë e Koreve

Ekipi i bashkuar i Koreve u arrit pas një marrëveshje që të garonin dy shtetet në një flamur në Olimpiadë

Keystone

Ekipi i përbashkët i Koresë Jugore dhe Veriore në hokej mbi akull te femrat ka shkruar historinë, pasi garuan në ditën e parë të Lojërave Olimpike Dimërore në Pyeongchang.

Por ekipit iu “hesht” historia nga Zvicra që fitoi 8 me 0.

Ekipi i bashkuar i Koreve u arrit pas një marrëveshje që të garonin dy shtetet në një flamur në Olimpiadë. Atletët e të dy shteteve parakaluan bashkë edhe në ceremoninë hapëse.

Nën këtë marrëveshje, 12 atletë të Koresë Veriore iu bashkuan ekipit të Koresë Jugore, transmeton Albinfo.ch.

Pavarësisht organizimit dhe pritjeve të shikuesve, ndeshja me Zvicrën ishte e vështirë në akull. Alina Muller realizoi tre herë në pjesën e parë dhe shtoi një tjetër në të dytën, para se Phoebe Stanz dhe Lara Stalder të realizonin nga dy herë për fitoren e bindshme të zviceraneve.