Zvicra thyen rekordin e marshimit të tifozëve në Euro

(KEYSTONE/Laurent Gillieron)

Atmosferë elektrizuese në kryeqytetin zviceran para çerekfinales së madhe kundër Spanjës: 25,000 tifozë morën pjesë në marshimin e tifozëve në Bernë, duke thyer bindshëm rekordin e mëparshëm të Kampionatit Evropian, shkruan Blick, transmeton albinfo.ch.

Marshimi i mëparshëm rekord u regjistrua para ndeshjes ndaj Islandës, me rreth 14,000 pjesëmarrës. Por ajo që ndodhi sot në rrugët e qytetit nuk ishte thjesht një përmirësim – ishte një shpërthim i vërtetë i mbështetjes. Siç raportojnë autoritetet lokale, “i thyer” është pak të thuhet – ky rekord u “pluhuros”, duke lënë prapa çdo statistikë të mëparshme.

Tifozët, të veshur me fanella të kuqe e bardhë, me flamuj, daulle dhe kore, krijuan një spektakël të vërtetë në rrugët e Bernës, ndërsa përkrahnin kombëtaren zvicerane të femrave në misionin e saj të vështirë kundër kampioneve të botës, Spanjës, transmeton albinfo.ch.