Zyrtare: Futbollisti i Kosovës i bashkohet Baselit

Edon Zhegrova në Basel do të gjejë edhe dy futbollistët shqiptarë, Taulant Xhakën dhe Albian Ajeti

Tashmë është edhe zyrtare: Edon Zhegrova do t’i bashkohet kampionit të shumëfishtë të Zvicrës, Baselit.

Ai kaloi tre vite në skuadrën e Genkut, ku nuk kishte shumë hapësira dhe ka kaluar në Basel, duke nënshkruar kontratë për një vit e gjysmë, shkruan albinfo.ch.

“KRC Genk ka arritur një marrëveshje me klubin zviceran FC Basel për transferimin e Edon Zhegrovës”, thuhet në njoftimin e skuadrës belge.

“Baseli e ka në huazim Zhegrovën për një vit e gjysmë me opsion blerje pas kësaj periudhe”, shkruan tutje faqja belge, duke i uruar fat ish-futbollistit të Prishtinës.

Zhegrova në Basel do të gjejë edhe dy futbollistët shqiptarë, Taulant Xhakën dhe Albian Ajeti.

Pjesë e këtij klubi më herët ishin edhe Granit Xhaka dhe Xherdan Shaqiri.

---