Kultura
Albana nga Zvicra synon Eurovizionin
Albana Azizi i ka hyrë garës për të përfaqësuar Zvicrën në "Eurosong Contest 2012", me këngën "I love it"
Albana Azizi, një këngëtare e re shqiptare, nga Berna e Zvicrës po merr pjesë në përzgjedhjen për këngën që do të përfaqësojë Zvicrën në festivalin e këngës evropiane “Eurovision Song Contest 2012. “I love it” mban titullin kënga me të cilën konkurron Albana në këtë përzgjedhje. Dhe Albana shpreson se do t`ia dalë.
Edhe këngëtare tjera kosovare e kanë provuar më parë fatin për të marrë pjesë në festivalin evropian të këngës. Në pamundësi që Kosova të ketë përfaqësuesin e vet në Eurovision, ato kanë konkurruar për vende tjera. Vitin e kaluar, për shembull, Genta Ismajli dhe Lira Gashi, patën provuar të hynin në portën e festivalit, përmes Zvicrës. Përpjekjet e tyre kanë dështuar por kjo nuk e pengon Albanën që të provojë fatin.
Albana, e njohur për publikun edhe me emrin artistik “Taila”, ka rreth dy vite që ka filluar të paraqitet në skenën e muzikës së popullarizuar shqiptare. Në mesin e disa këngëve të publikuara nga ajo është kënga “Bye baby bye” pastaj E vetmja femër”, e shoqëruar me videoklip etj. “Me këngëtarin e njohur Hekuran Krasniqi ajo ka kënduar vitin e kaluar në duet këngën “Loçkë”. Me këngët e saj ajo ka qenë mysafire dhe është prezantuar edhe në disa emisione të televizioneve të Kosovës dhe të Shqipërisë.
Ndërsa edhe më herët, si nxënëse, Albana është dalluar si këngëtare dhe udhëheqëse e një bendi muzikor, me të cilin ka mbajtur koncerte në Bernë ku ka gëzuar një popullaritet në mesin e moshatarëve të saj, adhurues të muzikës.
Që Albana të kurorëzojë me sukses rrugën e filluar, ajo ka shumë nevojë për përkrahjen e të gjithëve. Prandaj, ata që duan të shohin vajzën simpatike kosovare në skenën e Ezrovisionit, mund të japin ndihmesën e tyre. Duke filluar nga mesi i muajit tetor, ata munden të votojnë për Albana Azizin dhe këngën e saj “I love it”. Këtë mund ta bëjnë në këtë adresë:
Prandaj, Albanës i urojmë shumë sukses në garat për festivalin më të madh evropian të këngës.
Të tjera nga Kultura
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?