Sporti

Grasshoppers i shtatë shqiptarëve

Mërgim Brahimi, Alban Pnishi, Nedim Bajrami, Arijan Çollaku, Florian Kamberi, Albion Avdijaj dhe Bujar Lika janë pjesë e kësaj skuadre

Në Superligën e Zvicrës ka shumë futbollistë shqiptarë dhe numri i tyre po rritet nga dita në ditë.

Ata janë vendimtarë në skuadrat ku luajnë, derisa gjithashtu kanë bërë emër në futbollin zviceran, shkruan albinfo.ch.

Njëra nga skuadrat që ka më së shumti shqiptarë është Grasshoppers. Në këtë skuadër luajnë plot shtatë futbollistë shqiptarë.

Mërgim Brahimi, Alban Pnishi, Nedim Bajrami, Arijan Çollaku, Florian Kamberi, Albion Avdijaj dhe Bujar Lika janë pjesë e kësaj skuadre.

Lika është futbollisti i fundit që ju bashkua skuadrës, derisa në rrjetet sociale është shprehur shumë i lumtur për kalimin në Grasshoppers. Ai më parë luajti në Schaffhausen.

Grasshoppers e përfundoi stinorin vjeshtor në vendin e gjashtë, me 24 pikë, nga 19 ndeshje të zhvilluara.