Zhvillim
„Heidi Land“, model për turizmin malor në Kosovë
Destinacioni "HeidiLand" bart eksperiencat në zhvillimin e turizmit të qëndrueshëm në regjionin perëndimor të Kosovës.
Grupi prej 8 zyrtarëve nga komunat Pejë, Deçan dhe Junik (drejtorët për zhvillim ekonomik, udhëheqësit e sektorëve të turizmit si dhe ekspertët lokalë nga PPSE-Swiss Contact ) nga data 7 prill janë duke përfituar eksperiencat dhe praktikat më të mira nga Alpet zvicerane për zhvillimin e turizmit të qëndrueshëm malor dhe menaxhimin e destinacionit apo, siç njihet nga inovatorët zviceranë të Universitetit St. Gallen – DMO (Destination Managment Organization).
Një projekt i tillë për bashkimin e forcave dhe krijimin e një destinacioni unik ka filluar të inplementohet në regjionin perëndimor të Kosovës, me përkrahjen e projektit PPSE-Swiss Contact dhe participim të komunave Pejë, Deçan dhe Junik, me qëllim të menaxhimit më të suksesshëm të destinacionit turistik.
Qëllimi i projektit është organizimi i destinacionit duke mbledhur së bashku sektorin publik – privat si dhe komunitetin për një organizim më të mirë dhe menaxhim të suksesshëm të zhvillimit të turizmit të qëndrueshëm. Gjatë qëndrimit në destinacionin HeidiLand participuesit në vizitë studimore kanë takuar dhe kanë shkëmbyer eksperiencat dhe praktikat me DMO zviceran rreth organizimit të saj, hierarkisë së punës, organizimin e stukturave, zhvillimin e produktit si dhe promovimin e destinacionit.
Takimet me biznesin privat gjithashtu ishin të mirëseardhura për ta kuptuar edhe më detajisht rolin e sektorit privat në DMO si dhe iniciativat e komunitetit lokal në zhvillimin e destinacionit. Eksperiencat e fituara në Heidiland nga participuesit pritet të barten në regjionin perëndimor të Kosovës, duke fuqizuar themelimin e DMO në aspektin organizativ, integrimin e sektorëve të tjerë për zhillim të qëndrueshëm, si dhe promovim më të suksesshëm duke u bazuar nga praktikat e marra.
Njëherësh mysafirët nga Kosova kanë falënderuar organizatën PPSE-Swiss Contact për ndihmën e dhënë për zhvillimin e destinacionit dhe turizmit të qëndrueshëm në Kosovë.
Të tjera nga Zhvillim
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?