Zhvillim
Kosova po i pret turistët
Histori, kulturë, natyrë dhe sporte të aventurës janë ato që mund të gjesh në Kosovë, prandaj mbahuni fort dhe përjetoni emocione
Kosova ka shumë bukuri, vende historike e kulturore, dhe i ka kthyer sytë nga turizmi. Turizmi i aventurës, ai etnokulturor janë pikat e forta, me të cilat synohet tërheqja e vizitorëve.
Në Gjakovë mund të vizitosh të famshmen lagje “Çarshi” dhe tregun artizanal, kurse Prizreni ofron për turistët një numër të madh atraksionesh, raporton “TCH”.
Qyteti gati 2.000-vjeçar ndërthur pjesë të ndryshme të qytetërimeve që ka kaluar. Dëshmi janë kishat katolike, ortodokse – njëra prej të cilave në listën e “UNESCO”-s, xhamitë dhe teqetë. Shoqatat turistike po organizohen që të ketë bashkëpunim mes Shqipërisë dhe Kosovës, e produktet e përbashkëta janë një ide e mirë, përcjell albinfo.ch.
“Në të kaluarën kanë munguar ofertat dhe ndërgjegjësimi i turistit shqiptar sa i përket Kosovës”, thotë Albion Idrizi, “Gearsup Solutions”.
Eksplorimi i natyrës është ajo që në të vërtetë mund t’i japë një shtysë të madhe turizmit në Kosovë. Këtu, ndryshe nga Shqipëria, pushteti lokal ka më shumë juridiksion përsa i përket turizmit. Në bashkëpunim me shoqatat sportive është hapur shpella e Radacit, në një prej vendburimeve më të mëdha të Drinit të Bardhë.
“Kjo është një shpellë e re dhe ka shumë zbukurime, siç i patë edhe vet. Ka stalaktite dhe stalagmite, që iu ofrojnë turistëve një ndjenjë të papërshkrueshme, e pse jo një aventurë e adrenalinë shumë më të mirë sesa në vende të tjera”, tha Melisa Bojku, udhërrëfyese nga shpella e Radacit.
Pranë Pejës ndodhet “Parku i aventurave”, ku mund të praktikosh sporte që lidhen me natyrën, ndërsa rrugës drejt Rugovës për të gjithë ata që ushtrojnë “hiking” gjendet një “via ferrata” mjaft interesante, e ndërtuar nga alpinistë italianë në vitet 2000. Interesant është “zip line” më i gjatë në Ballkan, i certifikuar nga autoritetet zvicerane.
Të tjera nga Zhvillim
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor