Futbolli Shqiptar në Zvicër
Një vit i përsosur për FC Besën
Gjenerata e re e lojtarëve është rritur në Zvicër dhe janë integruar shumë mirë. Ata flasin më mirë gjermanisht se sa shqip. Gjithashtu klubi është aktiv në zhvillimin e të rinjve
Skuadra shqiptare, FC Besa SG ka festuar 25 vjetorin e themelimit të klubit në St. Gallen. Pas disa baticave e zbaticave, kjo skuadër ka arritur në Ligën e Dytë, që është një sukses për skuadrën më të vjetër shqiptare në Zvicër, shkruan ‘Tagblatt’, përcjell albinfo.ch.
Këtë skuadër e kanë themeluar vëllezërit Nikoll dhe Kened Ukgjini para 25
vjetësh dhe në fillim dukej amatore dhe e paorganizuar. “Loja e parë ka qenë kundër FC Wittenbach dhe nuk kemi pasur këpucë futbolli”, kujton Kened Ukgjini.
Gjithashtu edhe lojtarët linin shumë për të dëshiruar dhe nuk i dinin shumë mirë rregullat. “Mbaj mend se në pjesën e parë jemi ndalur 30 herë në ‘offside’”, shton tutje ai.
Ai dhe vëllai i tij kishin ardhur si punëtorë në Zvicër para se në vitet 1990 situata politike në Kosovë të përkeqësohej dhe shumë shqiptarë të iknin në Zvicër.
Ata themeluan klubin edhe pse në fillim kishte shumë vështirësi. Dhe një çerek shekulli më vonë kanë arritur deri në Ligën e Dytë.
Normalisht si çdo klub kanë pasur edhe shumë vështirësi, kurse në vitin 2005 ishin përjashtuar nga Shoqata Lindore e Futbollit të Zvicrës, pasi kishin sulmuar gjyqtarin.
Por, vëllezërit Ukgjini nuk lejojnë që klubi të ‘fundoset’ dhe pas shumë peripecive, sërish ditët e mira vijnë për skuadrën shqiptare dhe reputacioni i keq u përmirësuar shpejt.
Së fundi Besa organizoi Kupën e Unionit, por shumë klube anuluan pjesëmarrjen e tyre.
Gjenerata e re e lojtarëve është rritur në Zvicër dhe janë integruar shumë mirë. Ata flasin më mirë gjermanisht se sa shqip. Gjithashtu klubi është aktiv në zhvillimin e të rinjve. Në sezonin e ri ata do të marrin pjesë në Ligën D dhe C.
Tani shtëpia e kësaj skuadre, është ish-stadiumi i St. Gallenit, “Espenmoos”, pra nuk do të ketë më Zwyssighaus dhe Zelli, por Islami dhe Cekaj.
Të tjera nga Futbolli Shqiptar në Zvicër
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane