Kultura
Petrit Halilaj, njëri ndër fituesit e Bienales së Venedikut
Atij i është ndarë çmimi “Special Mention” (përmendje e veçantë) krahas artistes braziliane Cinthia Marcelle
Artisti i ri por me renome ndërkombëtare Petrit Halilaj është njëri ndër të shpërblyerit në ngjarjen më të madhe të arteve pamore në botë: në Bienalen e Venedikut. Sot janë kumtuar çmimet që jepen në hapje të bienalit (që zgjat disa muaj), dhe në mesin e fituesve është edhe Halilaj, i lindur në vitin 1986 në Kosovë, i cili jeton dhe krijon në trekëndëshin Berlin-Bozzolo-Prishtinë.
Atij i është ndarë çmimi “Special Mention” (përmendje e veçantë) krahas artistes braziliane Cinthia Marcelle, transmeton albinfo.ch
Siç bën të ditur agjencia gjermane e lajmeve dpa, çmimin kryesor, “Luanin e Artë” e kanë fituar dy artistë gjermanë: Franz Erhard Walther, çmimin për Artistin më të Mirë dhe Luanin e Artë për kontribut kombëtar e kanë fituar artistja Anne Imhof dhe kuratorja Susanne Pfeffer, të dyja nga Gjermania.
“Luanin e Argjendtë” për artistin më të mirë të ri, e ka fituar Hassan Khann, nga Britania e Madhe, i cili jeton në Egjipt. “Luani i Artë” për Vepër Jetësore i është ndarë artistes amerikane Carolee Schneemann, me propozim të kuratores Christine Macel.
Halilaj, siç dihet, ka prezantuar në edicionin e parafundit të bienales pavijonin e Kosovës (viti 2013), që ishte pjesëmarrja e parë e shtetit të ri në këtë eveniment të madh, shkruan albinfo.ch. Ai është i lindur në vitin 1986 në Kosovë (Drenicë) ndërsa që nga fëmijëria jeton dhe krijon në Gjermani, ku ka krijuar emër me artin e tij konceptual.
Petrit Halilaj është i njohur me përpjekjet e tij artistike për të rikrijuar në veprat e tij të artit vendlindjen e djegur e të shkatërruar nga lufta.
Të tjera nga Kultura
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?