Literaturë
Promovohet në Cyrih libri “Lufta për çlirimin e Kosovës” (1997-1999)
Promovimin e këtij libri e kishte organizuar Ansambli i Këngëve dhe Valleve “VATRA"
Sadik Krasniqi, historian dhe shef i Sektorit të Historisë në Muzeun e Kosovës, kishte zgjedhur Cyrihun për të promovuar librin e tij “Lufta për çlirimin e Kosovës” (1997-1999).
Promovimin e këtij libri e kishte organizuar Ansambli i Këngëve dhe Valleve “VATRA”, ndërsa autori tha se me këtë libër voluminoz ka sjellë 20 mijë dëshmi nga lufta e fundit në Kosovë, fotografi të ndryshme, ditarë lufte, pjesë të dhimbshme nga gjenocidi, masakrat e dhunimet.
«Krejt këto janë të ruajtura dhe të argumentuara si dëshmi e kohës dhe historisë materiale», tha autori Krasniqi, i cili synon këtë libër ta përkthejë në të ardhmen edhe në gjuhë të tjera, si angleze dhe gjermane, që lexuesit e huaj të jenë të informuar drejt për këtë periudhë të historisë së shqiptarëve të Kosovës.
Historiani Krasniqi ka përmbledhur në këtë libër periudhën nga 1997 kur ka dalë në skenë për herë të parë Ushtria Çlirimtare e Kosovës, e deri më 12 qershor 1999, kur hynë forcat e NATO-s në Kosovë.
Ai tha se me këtë libër ka sjellë fakte jo vetëm për opinionin e brendshëm, po edhe të jashtëm, ngase, sipas tij, lufta e fundit në Kosovë kishte konotacion ndërkombëtar, por e pranon se me një libër nuk mund të shkruhet e tërë historia e re e Kosovës.
Pjesë e librit është edhe emigracioni, i cili sipas dëshmive që ka sjellë historiani nga Kosova, ka dhënë kontribut të madh në luftën e fundit të Kosovës.
«Ka mjaft hapësirë për të kontribuar në historinë e Kosovës, sidomos emigracioni që është një gjysmë historie e vendit në të gjitha periudhat e historisë sonë», tha Krasniqi.
Promovimit të librit historiografik i ka paraprirë një program artistik të valltarëve të vegjël të Ansamblit të Këngëve dhe Valleve “VATRA”, ndërsa nikoqirët Sara Demolli dhe Shaban Haliti kanë udhëhequr me këtë aktivitet kulturor në Cyrih.
Mysafiri nga Prishtina në fund ka bashkëbiseduar me dashamirët e librit në një koktej rasti të organizuar nga «Vatra».
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?