Kultura
Shyhretja përlot publikun dhe jurinë e spektaklit “Supertalent 2011”
Shyhrete Marolli dëshiron që përveç suksesit në skenë të arrijë edhe diçka tjetër, tepër të rëndësishme për të: të gjejë nënën e saj.
Në turin e ri të spektaklit “Supertalent” 2011 që e emeton stacioni RTL, sërish një pjesëmarrëse shqiptare e Kosovës me qëndrim në Gjermani ka prekur zemrat e shikuesve dhe të jurisë. ShyhreteMaroli, 28 vjeçe, nënë e tre fëmijëve, përveç me këndimin e bukur, në zemrat e publikut ka hyrë edhe me rrëfimin e saj të dhimshëm jetësor.
Para njëzet vitesh ajo bashkë me babanë e saj ka ardhur si vajzë e vogël në Gjermani. E ëma atëbotë kishte mbertur në Kosovë, dhe prej atëherë Shyhretja nuk e ka parë më as ka dëgjuar për të. Ajo thotë se ka vuajtur shumë duke duruar rrahjet dhe keqtrajtimet nga njerkat e ndryshme gjatë viteve sa ishte te babai. Ajo thotë se “as armikut nuk do t`ia dëshironte një fat të tillë”.
Rrëfimi i saj dhe përlotja në skenë, ka nxitur lotët edhe te publiku dhe te juria, madje edhe te vet kryetari i jurisë, Dieter Bohlen.
Ndërkohë, Shyhretja është një grua 28 vjeçare dhe ka tre fëmijë, për të cilët thotë se janë e gjithë pasuria që ka në këtë botë.
Me pjesëmarrjen e saj në Supertalent 2011, Shyhrete Marolli dëshiron që përveç suksesit në skenë të arrijë edhe diçka tjetër, tepër të rëndësishme për të: të gjejë nënën e saj. Ajo beson se e ëma jeton diku në Gjermani dhe se do ta dëgjojë e do t`i paraqitet.
Në xhiron e parë, falë këndimit të bukur por edhe rrëfimit prekës, Shyhretja ka marrë dritën e gjelbër për të shkuar më tutje: tri herë Po nga të tre anëtarët e jurisë.
Të tjera nga Kultura
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën