Shkurt.ch
Tragjedi në familjen Orllati: Vdes aksidentalisht djali 23 vjeçar
Në aksidentin e ndodhur në një kantier pune ka humbur jetën një i ri 23 vjeç nga familja e njohur e ndërtimtarëve, Orllati
Në një aksident të rëndë që ka ndodhur të enjten në një kantier ndërtimi në Saint-George (kantoni Vaud) , ka humbur jetën një i ri 23 vjeç nga familja e njohur e ndërtimtarëve, Orllati.
Aksidenti ka ndodhur rreth orës 13:15 këtë të enjte në Saint-George (kanton i Vaudit). Katër punëtor të një kompanie nga Vaudi ishin duke punuar mbi një kamion i cili ishte i lidhur me një rimorkio, kur papritur është ndezur konvoji. Njëri nga 4 personat ka humbur drejtpeshimin dhe është rrëzuar në pjesën e pasme të automjetit, që ka vazhduar të udhëtojë për 20 metra.
Viktima ka mbetur e bllokuar nën gomat e rimorkios. Automjeti ka përfunduar rrugëtimin duke goditur një automjet tjetër dhe disa shtëpi. Pavarësisht intervenimit të shpejtë të ndihmës së parë, të cilët janë munduar ta rianimojnë viktimën, ai ka vdekur në vend të ngjarjes. Është fjalë për një të ri 23 vjeçar, mashkull, banor i regjionit të Lozanës. Mësohet jo-zyrtarisht se i ndjeri është nga familja e njohur Orllati, pronarë të një kompanie të madhe e të suksesshme të ndërtimit nga Lozana.
Për të evituar pasojat e këtij aksident është nevojitur ndërhyrja e mjekëve të SMUR dhe e ndihmës së shpejtë me dy mjekë, një patrulle nga qendra e xhandarmërisë mobile të Bursin si dhe katër policëve të specializuar në njësinë e trafikut. Një ekspert i sigurisë në punë nga SUVA ishte po ashtu prezent në vend të aksidentit. Një njësi e ndihmës emergjente është mobilizuar për të trajtuar stafin e kompanisë, i cili është i shokuar nga ngjarja.
Hetime të ndryshme janë në vazhdim për t’i identifikuar rrethanat e sakta të kësaj tragjedie. Ato udhëhiqen nga policët specialistë të njësisë së trafikut.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor