Shkurt.ch
Vizitorja refuzon të dalë nga burgu: Policët detyrohen ta nxjerrin me dhunë!
Një grua nga kantoni Thurgau, e cila në burg kishte hyrë vetëm si vizitore, kishte kundërshtuar fuqishëm të dilte nga ndërtesa e burgut. Pasi që ajo madje ka ofruar rezistencë ndaj policëve, ata janë detyruar ta nxjerrin jashtë me dhunë
Zakonisht ndodh e kundërta: ata që janë brenda në burg, bëjnë gjithçka që të dalin nga aty. Por, një grua nga kantoni Thurgau, e cila në burg kishte hyrë vetëm si vizitore, kishte kundërshtuar fuqishëm të dilte nga ndërtesa e burgut. Pasi që ajo madje ka ofruar rezistencë ndaj policëve, ata janë detyruar ta nxjerrin jashtë me dhunë.
Sikur e gjithë kjo të mos mjaftonte, vizitorja në fjalë, edhe pas nxjerrjes së dhunshme ka bërë përpjekje të hynte sërish në ndërtesën e burgut, transmeton albinfo.ch tekstin e një vendimi gjyqësor të Gjykatës Federale të Zvicrës.
Pas kësaj, atë e kanë larguar policët sërish dhe e kanë shoqëruar deri te makina e saj.
Por, zvicerania nuk e ka lënë punën me kaq. Ajo ka paditur policët për cënim të lirisë dhe për detyrim. Gjykata e Lartë e Kantonit në gjykimin e saj ka konstatuar se është e vërtetë që veprat penale cënim i lirisë dhe detyrimi në këtë rast janë evidente. Por gjykata ka ndërprerë procesin gjyqësor kundër policëve për faktin se sjellja e tyre ka qenë e justifikueshme. Kjo për faktin se gruaja në fjalë kishte bërë dy herë radhazi shkelje të rendit shtëpiak.
Mirëpo, rrëfimi nuk përfundon këtu: gruaja e përmendur ka ushtruar ankesë në Gjykatën Federale, që është shkalla më e lartë e gjyqësisë së Zvicrës. Kjo e fundit ka hedhur poshtë ankesën e të përmendurës, transmeton albinfo.ch. Ajo nuk ka të drejtë në pretendimin e saj për cënim të lirisë dhe Gjykata Federale e detyron të paguajë shpenzimet gjqësore prej 3000 frangash.
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
SBB do të drejtojë 49 trena shtesë për në Ticino në fundjavën e Pashkëve Për festën e Pashkëve, kantoni më jugor i Zvicrës përjeton zakonisht një fluks udhëtarësh nga zona...
-
Ka rënë përdorimi i parave të gatshme në Zvicër
-
Studimi më i madh rreth kanabisit në Zvicër fillon në Cyrih
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes