Jeta në Zvicër

1.5 milion njerëz kanë përkujtuar viktimat e terrorit

Në Paris, të dielën pasdite, rreth 1.5 milionë njerëz janë mbledhur për të përkujtuar viktimat e sulmeve terroriste javën e kaluar

E diel, 11 Janar 2015 - 18:43 albinfo.ch
Franca dhe bota janë bërë bashkë kundër terrorizmit. Në marshin e Parisit  për të nderuar  viktimat e sulmeve terroriste në këtë qytet, krerët e shteteve nga e gjithë bota e kanë udhëhequr marshin, në një nga tubimet më të mëdha të periudhës së pasluftës. Deri 1.5 milion njerëz kanë marrë pjesë në marshin kundër terrorizmit,  sipas organizatorëve.
 
Presidenti francez François Hollande dhe kancelarja gjermane Angela Merkel filluan të parët ecjen të dielën pasdite, në marshimin më të madh në qendër të kryeqytetit.

Një valë e sulmeve terroriste, vrasje dhe rrëmbime që kanë ndodhur javën e kaluar, kanë marrë jetën e 17 njerëzve të pafajshëm. Si pasojë e sulmit në redaksinë e revistës satirike “Charlie HEBDO” të mërkurën  kanë  mbetur të vdekur 12 persona.

 
Në marsh kanë marrë pjesë kryeministri izraelit Benjamin Netanyahu, presidenti palestinez Mahmoud Abbas, presidenti i Ukrainës Petro Poroshenko, kryeministrin italian Matteo Renzi dhe presidentit i Këshillit Evropian Donald Tusk.
 
Në Paris ishin edhe kryeministri i Shqipërisë Edi Rama, presidentja e Kosovës Atifete Jahjaga dhe zëvendëskryeministri Hashim Thaçi. Ndërkaq në mediet shqiptare dhe botërore janë parë me admirim një videoxhirim dhe fotografitë nga parakalimi në rrugët e Parisit i përfaqësueseve të katër besimeve fetare të shqiptarëve, të shoqëruar nga kryeministri i Shqipërisë, Edi Rama.  
 
Mijëra policë dhe ushtarë u mobilizuan për të siguruar marshimin solidaritetit në lindje të Parisit.

 Të tjera nga Jeta në Zvicër

Fshati Blatten, një vit pas rrëshqitjes së dheut u rihap pjesërisht

 E-Diaspora

 Jeta në Zvicër