Lajme

12.6 milionë franga ishte “rroga” vjetore e shefit të bankës UBS në vitin 2022

Kjo është rreth 1.1 milion më shumë se një vit më parë, kur ai pati fituar "vetëm" 11.5 milionë franga

E hënë, 6 Mars 2023 - 20:40 albinfo.ch
(KEYSTONE/Walter Bieri)

Kreu i bankës më të madhe të Zvicrës, UBS, Ralph Hamers, ka fituar 12.6 milionë franga vitin e kaluar, transmeton albinfo.ch. Kjo është rreth 1.1 milion më shumë se një vit më parë, kur ai pati fituar “vetëm” 11.5 milionë franga.

Këto shifra dalin nga raporti vjetor i bankës UBS.

Pagat e të gjithë menaxhmentit të UBS, nga ana tjetër, kanë pasur një rënie të lehtë, në rreth 107 milionë franga.

Paraardhësi i Hamer në këtë post, Sergio Ermotti, kishte marrë 13.3 milionë franga për vitin 2020 dhe 12.5 milionë për vitin 2019, shkruan srf.ch.

Kryetari i Bordit të Drejtorëve, Colm Kelleher, ka fituar në vitin 2022 4.8 milionë franga zvicerane.

Banka më e madhe zvicerane ka gjeneruar 7.6 miliardë dollarë amerikanë (+2 për qind) vitin e kaluar, përcjell albinfo.ch.

Pas “pastrimit” të efekteve të jashtme rezulton se megjithatë fitimi ishte për një të pestën më i vogël.

 

 Të ngjashme

Kryeministri Kurti hap “Ditën e Agilitetit” në Cyrih, me bankat UBS dhe Julius Baer

 Të tjera nga Lajme

Shërbimet hekurudhore në Lucern janë të kufizuara ndjeshëm për shkak të një linje të dëmtuar

 E-Diaspora

 Jeta në Zvicër