E-Diaspora
14 vjet pas krimit, 20 vjet burgim kosovarit 62-vjeçar
Si rrethanë rënduese me rastin e shqiptimit të dënimit ka vepruar fakti se i akuzuari ka pasur një qasje “veçanërisht mizore” dhe se vrasjen e ka bërë në praninë e fëmijëve
Gjykata e Landit në St. Polten të Austrisë i ka shqiptuar dënimin me 20 vjet heqje lirie shqiptarit 62-vjeçar nga Kosova për vrasjen e të shoqes. Vrajsa me thikë kishte ndodhur para më shumë se 14 vjetësh.
Gjyqtarët porotë kanë vendosur njëzëri për masën e përmendur të dënimit, ndërsa avokati i dorasit ka paralajmëruar ankesë. Ndërkaq, prokurori nuk ka dhënë ndonjë sqarim nga ana e tij, shkruan agjencia austriake e lajmeve ATA.
Në këto rrethana, gjykimi nuk është i plotfuqishëm.
Si rrethanë rënduese me rastin e shqiptimit të dënimit ka vepruar fakti se i akuzuari ka pasur një qasje “veçanërisht mizore” dhe se vrasjen e ka bërë në praninë e fëmijëve, transmeton albinfo.ch.
Kosovari, sot në moshën 62-vjeçare, kishte vrarë në Wilhelmsburg të Austrisë bashkëshorten e tij duke e goditur me thikë. Pas vrasjes ai kishte ikur në Kosovë, ku ishte dënuar me 7 vjet heqje lirie. Së fundi ai është kapur gjatë një udhëtimi në Shqipëri dhe është ekstraduar në Austri, ku dhe është gjykuar për vrasje.
Vrasja kishte ndodhur më 6 qershor 2005 në banesën e përbashkët të çiftit. Ai ishte 47, ndërsa e shoqja 36-vjeçare. Dorasi e kishte vrarë bashkëshorten me një goditje me një thikë kuzhine, me teh të gjatë 20 centimetra. Pas aktit, ai kishte ikur së bashku me katër fëmijët e tij në Kosovë, ku i është dorëzuar policisë së Unmik-ut, transmeton albinfo.ch. Më tutje, Kosova ka shmangur ekstradimin e tij në Austri, thonë në prokurorinë e St.Pöltenit.
Gjatë procesit gjyqësor në Kosovë, i akuzuari kishte deklaruar se vrasjen e kishte kryer në vetëmbrojtje. Por ky deklarim i tij nuk përputhet me gjurmët e gjetura në vendin e krimit, thuhet në një deklaratë të Gjykatës së Landit në St. Pölten.
Prokuroria e St.Pöltenit kishte shpallur një fletarrest në nivel evropian për dorasin. Mbi bazë të këtij fletarresti u bë i mundur arrestimi i tij në Shqipëri dhe dorëzimi në Austri.
Të ngjashme
Të tjera nga E-Diaspora
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike