Lajme

1500 veta protestojnë në Aarau kundër masave të koronës

Një aleancë e cila që qëndronte mbrapa organizimeve të tilla ka njoftuar se nuk do të mbajë tubimin në Aarau për shkak të mungesës së miratimit

Rreth1500 demonstrues ishin mbledhur sot në Aarau, sipas vlerësimeve të policisë për të protesuar kundër masave të koronës, raporton srf.ch

Tubimet në Aarau d he Wettingen AG ishin ndaluar më parë nga autoritetet.

Policia ka përdorur gas irritues kundër disa demonstruesve që kanë provuar të hynin në Schlossplatz në qytetin e vjetër të Aaraut, kryqytet i Kantonit Aargau, transmeton albinfo.ch. Ata, sipas policisë, ishin përpjekur të zaptonin hyrjen me forcë. Me këtë rast, ka pasur edhe disa ndalime të protestuesve, raporton srf.ch

Policia thotë se ndërkohë situata është qetësuar përsëri.

Pothuajse asnjë nga demonstruesit nuk kishte vënë maskë, siç raporton nga  vendi i ngjarjes një reporter i agjensisë së lajmeve Keystone-SDA.

Një aleancë e organizatave që kohëve të fundit qëndrojnë mbrapa organizimeve të ngjashme ka njoftuar këtë javë se nuk do të mbajë tubimin në Aarau dhe Wettingen për shkak të mungesës së miratimit, përcjell albinfo.ch. Ajo distancohet nga organizimi i demonstratës së paautorizuar.

Në të njëjtën kohë, megjithatë, kjo aleancë ka shkruar se ajo nuk ka asnjë ndikim “në reagimin e qytetarëve të përgjegjshëm ndaj ndalimit të një aktivitteti të demokracisë direkte politike”.