16 kandidatët e LVV-së që do të bëhen deputetë në vend të ministrave

Ndryshime në Grupin Parlamentar të LVV-së, 16 deputetë kalojnë në Qeverinë “Kurti 3”

Lëvizja Vetëvendosje pritet të pësojë ndryshime në përbërjen e Grupit Parlamentar, pasi 16 deputetë të saj janë emëruar në poste ministrore në kuadër të Qeverisë “Kurti 3”, përcjell albinfo.ch.

Me kalimin e tyre në ekzekutiv, mandatet e deputetëve në Kuvendin e Kosovës do t’i marrin 16 kandidatët e radhës nga lista zgjedhore e LVV-së, të cilët në rezultatet fillestare nuk kishin arritur të siguronin ulëse në Parlament.

LVV aktualisht ka gjithsej 57 deputetë në Kuvend. Deputetët e rinj që pritet të marrin mandatin janë: Egzon Azemi, Fahrush Rexhepi, Bajram Mavriqi, Luan Aliu, Driton Hyseni, Enver Dugolli, Arijeta Rexhepi, Shqipe Isufi, Afërdita Hajrizi, Ejup Ahmeti, Avdullah Klinaku, Mytaher Haskuka, Bylbyl Sokoli, Ilir Qeriqi, Mimoza Shala dhe Agon Batusha.

Këta deputetë do të zëvendësojnë anëtarët e LVV-së që tashmë janë bërë pjesë e kabinetit qeveritar, përfshirë kryeministrin Albin Kurti dhe ministrat e rinj.

Pas këtyre ndryshimeve, përbërja e Grupit Parlamentar të LVV-së përfshin deputetët: Avni Dehari, Shqipe Mehmeti Selimi, Edona Llalloshi, Alban Bajrami, Mefail Bajqinovci, Nezir Kraki, Rufki Suma, Adriana Matoshi, Jeta Statovci, Ardian Gola, Haxhi Avdyli, Adelina Grainca, Blerim Gashi, Albena Reshitaj, Fatos Geci, Agim Bahtiri, Taulant Kelmendi, Arbër Rexhaj, Labinotë Demi-Murtezi, Arbëreshë Kryeziu-Hyseni, Artan Abrashi, Arijeta Fejza, Hysen Durmishi, Arbërie Nagavci, Enver Haliti, Liza Gashi, Valon Ramadani, Adnan Rrustemi, Jeton Raka, Fatmire Kollçaku, Arsim Ademi, Drita Pajaziti, Rozeta Hajdari, Salih Zyba, Fitim Haziri, Fjolla Ujkani, Ilir Kërçeli, Sulejman Meholli, Vigan Qorrolli, Naim Bardiqi, Valon Hoti, si dhe deputetët e rinj që marrin mandatin.

---