Lajme
204 deputetë i drejtohen popullit me thirrjen për të kaluar verën në Zvicër
"Me fillimin e verës, ne po presim disa momente pushimi në një mjedis të sigurt. Le të zbulojmë ose rizbulojmë disa nga thesaret e fshehura të vendit tonë këtë verë!"
Në përfundim të sesionit parlamnetar në Bernë, të enjten, 204 deputetë të parlamentit i kanë bërë thirrje popullatës të kalojë pushimet verore në Zvicër. “Gjithmonë në përputhje me rregullat e higjenës dhe sjelljes”, në qasje me virusin e koronës, kanë tërhequr vërejtjen deputetët, shkruan sda.ch.
“Të dashur banorë të Zvicrës sonë unike, gjatë disa muajve të fundit ne të gjithë kemi qenë në gjendje krize”, thuhet në letrën e shkruar nga më shumë se tre të katërtat e të gjithë anëtarëve të Parlamentit (të Dhomës Nacionale dhe asaj të Kantoneve), drejtuar mbi 8.6 milionë banorëve, sa ka Zvicra.
Për të vazhduar: “Me fillimin e verës, ne tani po presim disa momente pushimi në një mjedis të sigurt. Le të zbulojmë ose rizbulojmë disa nga thesaret e fshehura të vendit tonë këtë verë!”.
“Jemi të kënaqur që kaq shumë parlamentarë kanë rënë dakord të mbështesin spontanisht këtë thirrje dhe dëshirojnë të rizbulojnë Zvicrën gjatë verës”, ka thënë Nicolo Paganini, deputet i Dhomës Nacionale nga St. Galleni (CVP) i cili njëherësh është dhe president i Shoqatës Zvicerane të Turizmit (STV), sipas citimit të bërë në faqen e internetit të kësaj shoqate, transmeton albinfo.ch
Solidarizimi i këtillë është një inkurajim për destinacionet dhe ofruesit e shërbimeve zvicerane dhe njëherësh tregon që turizmi është një pjesë e identitetit zviceran, ka shtuar Paganini. Për të forcuar besimin e turistëve në Zvicër si një destinacion i sigurt dhe i pastër i udhëtimit, shoqatat e industrisë së turizmit kishin iniciuar linjën “Clean & Safe” në fund të majit.
Të ngjashme
Të tjera nga Lajme
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”